Sunrise Garden Beach Resort er fjölskylduvænt fimm stjörnu hótel með öllu inniföldu þar sem krakkarnir geta leikið sér í vatnsrennibrautgarðinum á meðan hjónin og vinirnir slaka á á „adults only“ ströndinni. Hótelið horfir yfir hafið og njóta gestir aðgang að einka sandströnd og köfunarmiðstöð fyrir þá sem vilja skella sér að snorkla. Í hótelgarðinum eru þrjár sundlaugar, sex veitingastaðir ásamt heilsulind og vellíðunarðstöðu.  

Öll herbergin eru með loftkælingu, minibar og sjónvarpi auk verandar með útsýni yfir garðinn, sundlaugarnar eða hafið. 

Gestir geta valið um sex veitingastaði sem framreiða ítalska, austurlenska og alþjóðlega matargerð. Einnig eru tvær krár og fjórir barir á svæðinu, þar á meðal sundlaugarbar og strandbar. 

Hótelið leggur mikla áherslu á afþreyingu og íþróttaiðkun og þar má finna tennisvelli og fótboltavöll í fullri stærð. Hægt er að skella sér í strandblak, bogfimi og hestaferðir. Það býður einnig upp á Horas Spa, þar sem gestir geta slakað á með nuddi eða snyrtimeðferðum. Punkturinn yfir i-ið er síðan nýr vatnsrennibrautargarður með 8 rennibrautum og leiksvæði fyrir börn!