Steigenberger Makadi er afskaplega vandað golfhótel sem skartar 18 og 9 holu golfvöllum sem hafa hlotið verðlaun sem bestu golfvellir í Egyptalandi 6 ár í röð. Hótelið er einungis fyrir fullorðna gesti sem hafa náð 16 ára aldri og skaðar ekki ef þeir hafa blússandi áhuga á gólfi!

Umhverfið er glæsilegt og sundlaugin býður upp á dásamlegan sundsprett.  Hótelið er einnig með einkaströnd þar sem vinsælt er að kafa, snorkla og skoða sjávarlífsflóruna, skjaldbökur og litríka fiska.   

Öll herbergin eru loftkæld, búin einkasvölum og sérbaðherbergi með sturtu, baðsloppum og hárþurrku. 

Á aðalveitingastaðnum, The Eagle, eru rausnarleg morgun- og kvöldverðarhlaðborð framreidd á hverjum degi og veitingastaðurinn Nineteen framreiðir a la carte hádegisverð. Nokkur kvöld í viku eru lífleg skemmtiatriði með meðal annars austrænum dansi og söng.  

Þú pantar rástíma á golfvöllinn í gegnum hótelið. Einnig er hægt að æfa í líkamsræktarsalnum og í heilsulindinni er hægt að velja á milli ýmissa afslappandi meðferða.

Fullkomið val fyrir þau sem vilja sveifla gólfkylfunni, finna hlýja golu og slappa síðan af við sundlaugabakkann.