Jungle Neverland / Jól & áramót

Jungle Neverland hótelgarðurinn er sankallað vantaævintýraland fyrir alla fjölskylduna. Hér eru meira en 30 vatnsrennibrautir og 32 sundlaugar sem henta bæði börnum og fullorðnum. Garðurinn er hannaður fyrir þá sem vilja skemmtun, spennu og gleði í sólskini allan daginn

Gestir geta valið á milli fjölbreyttra vatnaleikja, allt frá rólegum sundlaugum og barnalaugum til stórra rennibrautanna. Á svæðinu eru einnig veitingastaðir og snarlbarir þar sem hægt er að hvíla sig, fá sér svalandi drykk eða bita.

Fyrir yngstu börnin eru sérstakar barnalaugar og barnaklúbbur, en fyrir alla fjölskylduna er úrval íþróttamannvirkja, þar á meðal tennisvöllur, fótboltavöllur og minigolfvöllur. Gestir fá svo aðgang að einkaströnd hjá Dana Beach Resort sem er í göngufæri við hótelið.

Herbergin eru ansi fjölbreytt, en flest í notalegum búngaló-stíl og raðast í kringum sundlaugarnar. Öll herbergin eru björt, innréttuð í hlýlegum litum sem minna á afríska list, með verönd eða svalir með útsýni yfir laugar eða garða hótelsins. Hér er gott úrval af stórum fjölskylduherbergjum sem mörg hver geta rúmað 6 manna fjölskyldur.

Veitingastaðirnir bjóða upp á fjölbreytta rétti úr ítalskri, Miðjarðarhafs-, Miðausturlanda-, þýskri, asískri, og alþjóðlegri matargerð. Í morgunverð er hægt að velja á milli heimsálfa – hvort sem þig langar í léttan ávaxtaríkan continental, klassískan amerískan, ríkulegt hlaðborð eða grænmetisrétti. Auk þess að nokkrir sundlaugarbarir veita léttar veitingar og svalandi drykki yfir daginn.

Á kvöldin er boðið uppá margskonar skemmtanir og lifandi tónlist, barnadiskó og leikjadagskrá. Einnig er mikið úrval af leiktækjum sem börn hafa aðgang að á kvöldin.

Íslenskir gestir:
Íslendingar sem dvöldu á hótelinu í síðustu ferð lýstu því sem „algjörum ævintýraheimi“. Svæðið er stórt, og unglingarnir voru oft horfnir í eigin ævintýri yfir daginn en skiluðu sér svo aftur síðla dags.

Það sem gerir þetta hótel sérstakt:

Draumaheimur fyrir aktíva krakka og unglinga – með stórum vatnsrennibrautagarði, fjölbreyttum leiktækjum og afþreyingu sem heldur áfram langt fram á kvöld. Þar er einnig barnaklúbbur, sirkus og margt fleira.
Hótelið er í Jungle-þema sem gefur upplifuninni sérstakan og ævintýralegan blæ.
Kvöldin eru lífleg með glæsilegum sýningum og skemmtunum sem gera dvölina eftirminnilega.

Hótelið hentar einstaklega vel fyrir:

Unglinga og eldri „börn“ sem elska sundlaugar og vatnsrennibrautir.
- Sumar rennibrautir eru með lágmarks hæð
Þá sem kunna að meta alvöru vatnsrennibrautagarð.
Þá sem vilja öruggt, þægilegt umhverfi fyrir alla fjölskylduna.

Skoðaðu heimasíðu hótelsins fyrir frekari upplýsingar: SMELLTU HÉR