Egyptaland yfir jól & áramót 2025
Paradísardvöl yfir hátíðirnar...
Strandarsæla við Rauðahafið
Í þessari einstöku jóla- og áramótaferð til Egyptalands færðu tækifæri til að upplifa hátíðirnar á framandi máta – ógleymanleg jól og áramót í sólríka strandarbænum Hurghada. Ferðin stendur yfir í 14 daga, dagana 21. desember 2025 – 3. janúar 2026.
Við bjóðum upp á fjölbreytt úrval vandaðra „allt innifalið“ hótela víðsvegar um Hurghada – í Makadi-flóanum, Sahl Hasheesh og í nágrenni við Hurghada-bæinn. Hvort sem þú leitar að fjölskylduvænu hóteli með ævintýragarði og vatnsrennibrautum, hóteli eingöngu fyrir fullorðna eða glæsilegu lúxushóteli, finnur þú örugglega eitthvað sem hentar þér.
Afþreyingarnar eru óteljandi: siglingar, snorkl, kamelferðir, ævintýraferðir í eyðimörkinni og dagsferðir til að skoða píramýdana í Kaíró eða hinn stórbrotna Dal Konunganna í Lúxor.
Á staðnum verður öflug íslensk og „local“ fararstjórn til að tryggja að þú njótir ferðarinnar til fulls – Frá fyrsta degi til þess síðasta.
Fjölskylduvæn hótel
Hér bjóðum við upp á níu vel valin hótel sem henta flestum sem vilja njóta notalegrar dvöl. Herbergin eru þægileg, flest staðsett við ströndina, með frábærum sundlaugum og allt innifalið – ásamt auka veitingastöðum. Á mörgum hótelunum eru einfaldari leiktæki fyrir yngri börn, sem gerir þau einnig afar hentug fyrir fjölskyldur með smábörn.
Hótel með vatnsrennibrautargörðum
Hér bjóðum við upp á fjögur vandlega valin hótel sem sérstaklega henta fjölskyldum sem sækjast eftir miklu úrvali vatnsrennibrauta og fjölbreyttri afþreyingu fyrir börn. Herbergin eru þægileg, með frábærum sundlaugum og allt innifalið – ásamt auka veitingastöðum.Öll hótelin hafa sína sérstöðu: Jungle Park er kjörinn fyrir eldri börn og unglinga, en Aqua Magic, Aqua Blue og Park henta öllum aldurshópum. Þetta eru frábærir gististaðir fyrir fjölskyldur sem leita að mikilli skemmtun fyrir unglingana og virk börn.
Lúxus hótel
Hér eru fjögur af vönduðustu hótelunum í Hurghada, þekkt fyrir framúrskarandi þjónustu og háan gæðaflokk. Hvert hótel hefur sína sérstöðu: Le Rêve og Blue Spa eru eingöngu fyrir fullorðna (16 ára og eldri), á meðan Baron og Jaz taka á móti börnum. Öll hótelin eru staðsett beint við ströndina. “Kombo” hér er hægt að skipa dvölini á tvö mismunandi hótel t.d. 6 nætur á LeReve og 7 nætur á Baron.
Parahótel
Skipulagðar sérferðir
Tveir skipulagðir pakkar eru í boði frá Keflavík og Akureyri þar sem þú kynnist helstu perlum Egyptalands – Kaíró, Lúxor, Aswan og fleiru.
Afþreyingar og ferðir
Í Egyptalandi er svo ótal margt sem hægt er að gera, bæði afþreyingar og menningarferðir enda nóg af minjum frá Forn-Egyptum sem vert er að skoða og velta fyrir sér.
