Flug með Icelandair klukkan 07:35
Koma til Parísar klukkan 13:00
Fararstjóri og rúta bíða ykkar við komu og við keyrum beint til Reims.

Innritun á hótel Hyatt Centric Reims.

Kvöldið er á eigin vegum og mælum við með að þið bókið ykkur á einn af glæsilegu veitingastöðum bæjarins.

Eftir góðan nætursvefn höldum við á Avenue de Champagne í Épernay sem er á heimsminjaskrá og ein af mest táknrænu götum á Champagne svæðinu. Gatan er full af glæsilegum og sögulegum kampavínshúsum eins og Moët & Chandon, Perrier-Jouët og Pol Roger.

Champagne safnið, sem staðsett er í hjarta Épernay, er ómissandi til að kafa dýpra í söguna á þessum heimsþekkta drykk. Safnið er staðsett í höll frá 18. öld og býður upp á heillandi ferð um uppruna og þróun framleiðslu Champagne á mannamáli sem er frábær leið til þess að byrja þessa ferð áður en við köfum dýpra í málin næstu daga.

Á þessari götu er hægt að eyða mörgum klukkutímum og gefum við hópnum tíma til þess að rölta á eigin vegum og setjast niður á einn stað og fá sér eitt eða tvö glös.

Við mælum með að byrja daginn á göngu um Park de la Patte d’Oie eða ef þú hefur áhuga á að versla getur þú skoðað verslanir Reims í nágreninu.

Seinnipartinn munum við heimsækja eina af frægustu Kampavíns-húsum heims, Veuve Clicquot. Þar fáum við leiðsögn um kjallara Veuve Clicquot, sem eru á heimsminjaskrá UNESCO. Við förum niður í hellana og munum læra um spennandi sögu húsins, sem á sögu sína að rekja til 1772, og merkilega stofnanda þess, Madame Clicquot, sem var þekkt sem “Grande Dame of Champagne.”  Auk þess fáum við innsýn í ferlið við framleiðslu Kampavínsins, frá uppskeru til blöndunar, gerjunar og geymslu, sem býr til þau ótrúlegu gæði sem Veuve Clicquot er þekkt fyrir.

Kvöldið er á eigin vegum og mælum við með að þið bókið ykkur á einhvern af glæsilegu veitingastöðum bæjarins.

Dagsferð til Troyes með Hádegismat og Champagne Gérard Lassaigne

Í dag förum við saman í heillandi ferð um miðaldaborgina Troyes, sem er falinn gimsteinn í Champagne. Dagurinn byrjar með leiðsögn um borgina þar sem við sjáum meðal annars hina frægu Troyes-dómkirkju.

Eftir að hafa skoðað okkur um miðbæ Troyes munum við njóta hádegisverðar á veitingastað í borginni saman (INNIFALIÐ).

Eftir hádegi kíkjum við í heimsókn á Champagne Gérard Lassaigne, framleiðanda sem er þekktur fyrir sérstakt, hágæða kampavín. Við kíkjum á svæðið og lærum um nákvæma framleiðsluferlið, frá ökrunum til kjallarans. Við fáum að smakka á hinum bestu kampavínum frá Gérard Lassaigne, þar sem þú munt uppgötva einstaka eiginleika þessara glæsilegu vína, þekkt fyrir að vera margslungin en fínleg.

Kvöldið er á eigin vegum og mælum við með að þið bókið ykkur á einhvern af glæsilegu veitingastöðum bæjarins.

Þennan seinasta morgun getur þú nýtt að vild.
Útritun af hóteli er um hádegi og þá er einnig stutt í að við þurfum að leggja í hann inn til Parísar þar sem flugið okkar fer klukkan 17:00