Haag

Við ströndina liggur svo upplýsta bryggjan Scheveningen sem gaman er að heimsækja og þá sérstaklega á kvöldin því þar myndast oft skemmtileg stemning. Á henni er aragrúi af veitinga- og kaffihúsum og hægt er að njóta útsýnisins úr Parísarhjólinu. Sagan segir að hvergi sé fallegra útsýni yfir Norðurhaf en einmitt þar.

Holland býr yfir frábæru lestarkerfi og auðvelt er að koma sér á milli hverfa og bæja. Því er hægt að fara í styttri eða lengri ferðir til dæmis til Rotterdam, Amsterdam, Leiden, Delft eða Utrecht. Eins er frábært að fara í dagsferð yfir til þorpsins Kinderdjik, og heimsækja hinar frægu vindmyllur sem eru á heimsminjaskrá Sameinuðu þjóðanna. Inn í þá ferð má einnig blanda ferðum á túlípana akra og í hollenskt ostasmakk.

Okkar metnaður liggur í því að gera upplifunina sem besta fyrir hópana okkar og bjóðum við uppá mun meira en bara flug og hótel. Við sérhæfum okkur í að skipuleggja afþreyingu fyrir hópinn á hverjum áfangastað fyrir sig. Við setjum upp dagskrá þar sem hver og einn einstaklingur í hópnum getur skráð sig og greitt fyrir sína ferð.

Það er fjöldinn allur af afþreyingu í boði sem leyfir þér að upplifa Haag á einstakan hátt. Það hefur verið einna vinsælast að fara í hjólaferðir og bjórsmakk svo eitthvað sé nefnt. Hóparnir okkar hafa einnig farið í gönguferðir, heimsótt túlípana akra, og farið í ostasmakk og það er frábært að fara og skoða vindmyllurnar í Kinderdjik.

Það er margt fleira í boði í Haag og þessi listi alls ekki tæmandi. Við finnum afþreyingu sem hentar hverjum hóp fyrir sig svo að allir fá eitthvað við sitt hæfi.