Alicante

Gamli bærinn í Alicante er litríkur með fallegar þröngar götur sem gaman er að ganga um og njóta. Strandlína borgarinnar skiptist í yfir 10 baðstrendur og glæsilega smábátahöfn. Mörg glæsileg söfn eru í bænum svo sem fornleifasafnið Museo Arqueológico Provincal og listasafnið Mueso Bellas Artes Gravina. Við miðbæinn rís fjallið Benacantil sem geymir fallega kastallann Castillo de Santa Barbara. Er hann talin geyma besta útsýnið yfir borgina og því mjög vinsælt að heimsækja hann. Bæði er hægt að heimsækja kastalann fótgangandi eða með leigubíl, þar sem gangan getur verið krefjandi.

Í kring um borgina eru margar skemmtilegar hálf- og heilsdagsferðir í boði. Til dæmis má nefna vínsmakk á vínekrum eða að skoða fallega  fossa núttúru í Algar. Einnig er vinsælt að fara í stuttar siglingar og snorkla í volgum sjónum.

Alicante hefur upp á margt að bjóða og ættu allir að finna eitthvað við sitt hæfi. Hvort sem það sé að fara í tapassmakk, skella sér í golf, liggja á ströndinni, að versla eða einfaldlega bara að sitja á góðu kaffihúsi í miðbænum og njóta mannlífsins. Hitastigið á Alicante er gott allan ársins hring og því kærkomið að halda saman í frábæra árshátiðarferð.

Okkar metnaður liggur í því að gera upplifunina sem besta fyrir hópana okkar og bjóðum við uppá mun meira en bara flug og hótel. Við sérhæfum okkur í að skipuleggja afþreyingu fyrir hópinn á hverjum áfangastað fyrir sig. Við setjum upp dagskrá þar sem hver og einn einstaklingur í hópnum getur skráð sig og greitt fyrir sína ferð.

Það er fjöldinn allur af afþreyingu í boði sem leyfir þér að upplifa Alicante á einstakan hátt. Það hefur verið einna vinsælast að fara á vínekrur, í siglingar og gönguferðir um gamla bæinn svo eitthvað sé nefnt.

Þessi listi er ekki tæmandi og það er margt fleira í boði. Við finnum afþreyingu sem hentar hverjum hóp fyrir sig og hans áhuga svo að allir finni eitthvað við sitt hæfi.